रत्ननगर बकुलर अस्पतालमा चिकित्सकको लापरबाहीबाट श्रीमतीको मृत्यु भएको भन्दै एक महिनादेखि काठमाडौंको माइतीघर मण्डलामा धर्नामा बसेका सुजन विकले धर्ना स्थगित गरेका छन्।
गत वैशाख १० गते प्रसूति गराउने क्रममा श्रीमती अस्मिता तामाङ विकको मृत्यु भएको थियो। अस्पतालले हालसम्म पनि मृत्युको कारणबारे कुनै पोस्टमार्टम रिपोर्ट नदिएको भन्दै सुजन विक छोरासहित धर्नामा बसेका थिए।
बिहीबार गृहमन्त्री सुदन गुरुङलाई मन्त्रालयमै भेट्न गएका विकलाई गृहमन्त्रीले निष्पक्ष छानबिन गरी दोषीलाई कारबाही गर्ने आश्वासन दिए। सोही आश्वासनपछि उनी माइतीघरबाट फर्किएका हुन्।
