पर्साको जगरनाथपुर गाउँपालिका–३ मुरैयाचोकस्थित खेतमा पाँच बोरा चामलमा लुकाइराखेको अवस्थामा एक सय किलो गाँजा बरामद भएको छ। जिल्ला प्रहरी कार्यालय पर्सा र सशस्त्र प्रहरी बल नेपाल नम्बर १३ गण हेडक्वाटरको संयुक्त टोलीले यो बरामद गरेको हो।
यो गाँजा कसको हो र कसले कुन प्रयोजनका लागि राखेको थियो भन्नेबारे प्रहरीले थप अनुसन्धान गरिरहेको छ।
यसैगरी, सिरहाको सुखीपुर नगरपालिका–८ स्थित सुखीपुर बजारबाट २१ किलो गाँजासहित उमेशकुमार मगर पक्राउ परेका छन्। लागूऔषध नियन्त्रण ब्यूरोबाट परिचालन भएको प्रहरी टोलीले मगरलाई पक्राउ गरेको हो।
धनगढीमाई नगरपालिका–१४ का मगर मोटरसाइकलमा सवार थिए। खानतलासी गर्दा निजबाट उक्त परिमाणको गाँजा बरामद भएको जिल्ला प्रहरी कार्यालयका सूचना अधिकारी रमेशबहादुर पालले जानकारी दिए।
