पर्सा, वीरगञ्ज — लोकतान्त्रिक समाजवादी पार्टी (लोसपा) का अध्यक्ष महन्थ ठाकुरले सीमा क्षेत्रमा मधेसी जनतामाथि भइरहेको दमनको कडा शब्दमा निन्दा गर्दै राज्यको यस्तै व्यवहार रहेमा विद्रोहको नजिक पुग्ने चेतावनी दिएका छन्। उनले आफूहरू विद्रोही नभएको तर बाध्य भएर त्यस्तो कदम चाल्नुपर्ने अवस्था आउन सक्ने बताए।
- सीमा क्षेत्रमा मधेसी जनतामाथि चरम दमन भएको ठाकुरको आरोप।
- राज्यको व्यवहार नसुध्रिए विद्रोहको चेतावनी।
- लोसपा विद्रोही नभएको तर बाध्यताले त्यस्तो अवस्था आउने दाबी।
- तराईको वर्तमान अवस्था चिन्ताजनक रहेको उल्लेख।
तराईको अवस्था चिन्ताजनक
अध्यक्ष ठाकुरले तराई मधेसको वर्तमान अवस्था चिन्ताजनक रहेको र सीमावर्ती क्षेत्रका जनताले विभिन्न बहानामा दमन खेप्नुपरेको बताए। उनले सुरक्षाकर्मी तथा अन्य निकायबाट हुने दुव्र्यवहारले जनतामा चरम निराशा छाएको र त्यसको परिणाम गम्भीर हुन सक्ने संकेत गरे। उनले भने, ‘हामी विद्रोही त होइनौँ, तर राज्यको यस्तै व्यवहार रहिरहने हो भने हामी विद्रोहको निकै नजिक छौं।’
विद्रोहको नजिक
ठाकुरले आफ्नो पार्टी र मधेसको जनता सधैँ शान्तिपूर्ण आन्दोलनमा विश्वास गर्ने भए पनि राज्यले बारम्बार उत्पीडनमा पारेको आरोप लगाए। उनले सीमा नाकामा हुने गरेको अनावश्यक कडाइ, स्थानीयबासीलाई गरिने दुव्र्यवहार र बिनाकारण थुनामा राख्नेजस्ता कार्यले जनताको धैर्यको बाँध टुट्ने अवस्थामा पुगेको बताए। यसले अन्ततः विद्रोहको बाटो रोज्न बाध्य पार्ने उनको भनाइ छ।
