सरकारले मूल्य अभिवृद्धि कर (भ्याट) मा बहुदर प्रणाली लागू गरेको छ। अर्थमन्त्री डा. स्वर्णिम वाग्लेले शुक्रबार संसद्मा प्रस्तुत गरेको बजेटमार्फत यो व्यवस्थाको घोषणा गरेका हुन्।
नयाँ व्यवस्थाअनुसार बिजुलीको खपत र राइड सेयरिङ सेवामा ५ प्रतिशत भ्याट लाग्नेछ। यसअघि नेपालमा भ्याटको एकमात्र दर १३ प्रतिशत थियो।
अर्थमन्त्री वाग्लेले बजेट वक्तव्यको ‘स्वेच्छिक अनुपालन र करको दायरा विस्तार’ शीर्षकअन्तर्गत यो नयाँ कर प्रणाली सार्वजनिक गरेका हुन्। यसअघि सबै वस्तु तथा सेवामा एकै दरको भ्याट लागू हुँदै आएको थियो।
बिजुली खपत र राइड सेयरिङमा लागू गरिएको ५ प्रतिशत भ्याटको दर तत्काल कार्यान्वयनमा आउने अर्थ मन्त्रालयले जनाएको छ। यसले ऊर्जा खपत र यातायात क्षेत्रमा भ्याटको भारलाई प्रभावित पार्नेछ।
