निर्माणाधीन नागढुंगा–मुग्लिङ सडक आयोजनाको स्थलगत अनुगमनका क्रममा भौतिक पूर्वाधार तथा यातायातमन्त्री सुनिल लम्सालले दिएको अभिव्यक्ति विवादित बनेको छ।
मन्त्री लम्सालले काम नगर्ने ठेकेदारलाई खोजेर ल्याउन र काम नगरे खुट्टा भाँचेर राख्न निर्देशन दिएको स्रोतले जनाएको छ।
सडकखण्डको निरीक्षणका क्रममा मन्त्री लम्सालले सडकमा रहेका बिजुलीका पोलहरूबारे पनि असन्तुष्टि व्यक्त गरेका थिए।
