पाकिस्तान नियन्त्रित कश्मीरको मुजफ्फराबाद जिल्लामा बिहीबार सैनिक हेलिकप्टर दुर्घटना हुँदा कम्तीमा २२ जना सैनिकको मृत्यु भएको छ। सुरक्षा स्रोतका अनुसार दुर्घटनामा एक कर्णेल, दुई मेजर र अन्य १९ जना सैन्यकर्मीले ज्यान गुमाएका छन्।
इन्टर सर्भिसेज पब्लिक रिलेसन्स (आइएसपिआर) ले हेलिकप्टर उडानका क्रममा प्राविधिक खराबीका कारण दुर्घटना भएको जनाएको छ। आइएसपिआरले दुर्घटनाको वास्तविक प्राविधिक कारण पत्ता लगाउन छानबिन समितिलाई आदेश दिएको बताएको छ।
पाकिस्तानका प्रधानमन्त्री शहबाज सरिफले हेलिकप्टर दुर्घटनाप्रति गहिरो दुःख व्यक्त गर्दै मृतकका परिवारजनमा समवेदना व्यक्त गरेका छन्।
