मलेसिया जान २ लाख ७५ हजार रुपैयाँ बढी मागेको गुनासोपछि श्रम मन्त्रालयले ललितपुरको जावलाखेलस्थित मुन म्यानपावरमा छापा मारेको छ। छापाका क्रममा ४३७ वटा राहदानी र ७ लाख ९० हजार रुपैयाँ नगद बरामद भएको छ।
प्रधानमन्त्री कार्यालयमा एक युवाले मलेसिया जानका लागि तोकिएको भन्दा २ लाख ७५ हजार रुपैयाँ बढी मागिएको उजुरी गरेपछि श्रम मन्त्रालयको टोलीले शुक्रबार मुन म्यानपावरमा अनुगमन गरेको थियो। श्रममन्त्री रामजी यादवका स्वकीय सचिव सरोज यादवका अनुसार, प्रधानमन्त्री कार्यालयबाट जानकारी आएपछि अनुगमन गरिएको हो।
बरामद गरिएको नगदको रसिद भने फेला नपरेको जनाइएको छ।
- मलेसिया जान चाहने एक युवाबाट २ लाख ७५ हजार रुपैयाँ अतिरिक्त शुल्क मागिएको आरोप।
- प्रधानमन्त्री कार्यालयमा सिधै उजुरी परेपछि श्रम मन्त्रालयले अनुगमन गरेको।
- ललितपुरको जावलाखेलस्थित मुन म्यानपावरमा छापा मारिएको।
- छापाका क्रममा म्यानपावर कार्यालयबाट ४३७ वटा राहदानी बरामद भएको।
- ७ लाख ९० हजार रुपैयाँ नगद बरामद भए पनि त्यसको रसिद नभेटिएको।
- म्यानपावर कार्यालय सिल गरी थप कारबाही प्रक्रिया अघि बढाइने।
स्वकीय सचिव यादवले वैदेशिक रोजगारीसँग सम्बन्धित कुनै गुनासो भए २४सै घण्टा मन्त्रीको सचिवालयमा जानकारी गराउन आग्रह गरे। म्यानपावर कार्यालय सिल गरी थप कारबाही अघि बढाइने उनको भनाइ छ।
