नेपाल आयल निगमले पेट्रोलियम पदार्थको मूल्य हाललाई यथावत राख्ने निर्णय गरेको छ। अन्तराष्ट्रिय बजारमा मूल्य बढे पनि भोटेकोशी बाढीका कारण तत्काल मूल्य वृद्धि नगरिएको निगमले जनाएको छ।
भारतीय आयल कर्पोरेसन (आईओसी) बाट पेट्रोलको मूल्य प्रतिलिटर ३.३४, डिजेल ४.३३, मट्टितेल १०.१९, हवाई इन्धन ४.९६ रुपैयाँले बढेको छ। एलपी ग्यास प्रतिसिलिण्डर ३५.६२ प्रतिशतले मूल्य वृद्धि भएर आएको निगमको तथ्याङ्क छ।
भोटेकोशीमा आएको बाढीका कारण सिर्जित परिस्थितिलाई मध्यनजर गर्दै भदौ १७ गतेदेखि लागू हुनेगरी पेट्रोलियम पदार्थको खुद्रा बिक्री मूल्य यथावत राख्ने निर्णय गरिएको निगमले प्रष्ट पारेको छ।
यसरी मूल्य यथावत राख्दा निगमलाई पाक्षिक रूपमा १ अर्ब २४ करोड ३७ लाख रुपैयाँ घाटा हुने देखिएको छ। यो घाटा निगमको आर्थिक स्वास्थ्यमा थप चुनौती थप्ने देखिएको छ।
