म्याग्दीको रघुगंगा गाउँपालिका-७ फेदिबन जंगलमा प्रहरीले ८ थान अवैध भरुवा बन्दुक बरामद गरेको छ। अस्थायी प्रहरी पोष्ट चिमखोलाको टोलीले शंकास्पद सूचनाका आधारमा हतियार फेला पारेको हो।
प्रहरी निरीक्षक सागर तिमिल्सिनाका अनुसार जिल्लाभर अवैध हतियार नियन्त्रण अभियान अन्तर्गत यो सफलता मिलेको हो। यस अभियान अन्तर्गत हालसम्म १५० थान भरुवा बन्दुक बरामद भइसकेका छन्।
जंगलमा कसले र कुन प्रयोजनका लागि हतियार लुकाएको थियो भन्नेबारे प्रहरीले अनुसन्धान गरिरहेको छ।
