सङ्खुवासभाबाट धरानतर्फ आउँदै गरेको बस धनकुटा नगरपालिका-९ मूलघाट नजिक सडकमा पल्टिँदा १२ जना यात्रु घाइते भएका छन्।
प्रहरीका अनुसार सङ्खुवासभाबाट धरानका लागि छुटेको १५ जना सवार बस अनियन्त्रित भई दुर्घटनामा परेको हो।
दुर्घटनापछि कोशी राजमार्गको धरान-धनकुटा सडकखण्ड केही समय अवरुद्ध भएको थियो।
हाल उक्त सडकखण्ड एकतर्फी रूपमा सञ्चालनमा आएको जिल्ला प्रहरी कार्यालय धनकुटाका प्रहरी नायब उपरीक्षक हेमन्त भण्डारीले जानकारी दिए।
घाइतेहरूको उद्धार गरी केहीलाई स्थानीय अस्पतालमा भर्ना गरिएको छ। केहीलाई थप उपचारका लागि धरानस्थित बिपी कोइराला स्वास्थ्य विज्ञान प्रतिष्ठान पठाइएको छ।
