बागमती नदी किनारमा सार्वजनिक र सरकारी जग्गा अतिक्रमण गरी बनाइएका सुकुम्बासी बस्ती हटाउन प्रशासनले अन्तिम अल्टिमेटम दिएको छ। स्थानीय प्रशासन र काठमाडौं महानगरपालिकाले संयुक्त रूपमा एक सूचना जारी गर्दै शुक्रबार (वैशाख १२ गते) साँझ ७ बजेभित्र अनधिकृत घरटहरा खाली गर्न निर्देशन दिएको हो।
मुख्य कारणहरू
- नदीको बहावमा अवरोध पुगेको।
- शहरी पूर्वाधार निर्माणमा बाधा।
- असुरक्षित बसोबासमा जोखिम बढेको।
सूचनामा स्पष्ट भनिएको छ, ‘२०८२ वैशाख ११ गते साँझ ७ बजेभित्र अवैध घर टहरा खाली गरी सार्वजनिक तथा सरकारी जग्गा खाली गर्न गराउनुहुन यो सूचना प्रकाशित गरिएको छ। अटेर गरेमा प्रचलित कानुनबमोजिम बल प्रयोग गरी हटाउने तथा त्यसबाट हुने क्षतिको जिम्मेवार स्वयं व्यक्तिहरू हुनेछन्।’
प्रशासनले यसअघि पनि पटकपटक बस्ती हटाउने प्रयास गरे पनि स्थानीयको अवरोध र विभिन्न कारणले सफल हुन सकेको थिएन। यसपटक भने कडा कदम चाल्ने तयारी भएको छ।
