कृषि सामग्री कम्पनी लिमिटेडका जिल्ला शाखा कार्यालयहरूमा ९८ हजार २ सय ३५ टन रासायनिक मल थन्किएको छ । केन्द्रले मल पठाए पनि वितरण प्रक्रियामा ढिलाइले किसानले समयमा मल पाएका छैनन् ।
कुन प्रदेशमा कति छ मल मौज्दात ?
कोशी प्रदेशका शाखा कार्यालयहरूमा ११ हजार ९ सय ५४ टन युरिया, २ हजार ९२ टन डीएपी र ३ हजार २ सय ४८ टन पोटास मौज्दात छ ।
मधेस प्रदेशमा सबैभन्दा बढी मल मौज्दात छ । यहाँ ३१ हजार १ सय ३१ टन युरिया, ११ हजार ४ सय ५६ टन डीएपी र ५ हजार ५ सय ८४ टन पोटास थन्किएको छ ।
बागमती प्रदेशका जिल्ला शाखाहरूमा ४ हजार ९३ टन युरिया, ५ सय ९९ टन डीएपी र २ सय ५१ टन पोटास मौज्दात छ ।
गण्डकी प्रदेशमा ४ सय ६ टन युरिया, १ सय ३० टन डीएपी र ६१ टन पोटास थन्किएको छ ।
लुम्बिनी प्रदेशका जिल्ला कार्यालयहरूमा १५ हजार ३५ टन युरिया, ४ हजार ६ सय ४३ टन डीएपी र ४ हजार ४ सय १२ टन पोटास मौज्दात छ ।
कर्णालीका जिल्ला शाखाहरूमा २ सय १२ टन युरिया, ७४ टन डीएपी र ४८ टन पोटास मौज्दात छ ।
सुदूरपश्चिम प्रदेशका जिल्ला शाखाहरूमा २ हजार ४ सय ५४ टन युरिया, २ सय ९३ टन डीएपी र ४ सय २३ टन पोटास अझै उठाइएको छैन ।
जिल्ला शाखाहरूमा हजारौं टन मल मौज्दात रहे पनि वितरण प्रक्रियामा ढिलाइले खेतीको मुख्य सिजनमा किसानहरू मल अभाव झेलिरहेका छन् ।
