अविरल वर्षा, बाढी र पहिरोले देशभरका मुख्य राजमार्ग प्रभावित भएका छन्। बुधबार बिहान ७:१० बजेसम्मको प्रहरी विवरणअनुसार दर्जनभन्दा बढी स्थानमा यातायात पूर्ण रूपमा अवरुद्ध छ। केही सडकमा एकतर्फी मात्र संचालन भइरहेको छ।
कोशी प्रदेशमा तीन मुख्य सडक प्रभावित भएका छन्। भोजपुर नगरपालिका-५ बोखिमस्थित मध्यपहाडी लोकमार्ग बाढीले एकतर्फी बन्द छ। वैकल्पिक मार्ग प्रयोगमा ल्याइएको छ।
मेची राजमार्गअन्तर्गत इलाम नगरपालिका-९ राजदुवाली सडक पूर्ण रूपमा अवरुद्ध भएको छ। यसले स्थानीय जनजीवन र ढुवानीमा असर पारेको छ। देशका अन्य प्रदेशमा पनि सडक सञ्जालमा अवरोध पुगेको प्रहरीले जनाएको छ।
