बाराको निजगढमा गृहमन्त्री सुधन गुरुङले जनकपुरबाट पैदल हिँडेका मिटरब्याज पीडितलाई भेटे। उनले पीडित र पीडक दुवैको विवरण तत्काल सङ्कलन गर्न सुरक्षा निकायलाई निर्देशन दिए।
मंगलबार निजगढमा पीडितहरूको गुनासो सुनेपछि गुरुङले सोही स्थानबाट विवरण सङ्कलन प्रक्रिया अगाडि बढाउन आदेश दिए।
गृहमन्त्रीको निर्देशनलगत्तै प्रहरीले मिटरब्याजमा संलग्न व्यक्तिको विवरण सङ्कलन सुरु गरेको छ। पीडितहरूको समस्या सुनेपछि गुरुङले प्रधानमन्त्री वालेन्द्र शाहसँग छलफल गरी थप कदम चाल्ने संकेत दिए।
