नेपाल दूरसञ्चार प्राधिकरणको अध्यक्षमा अर्जुन घिमिरे नियुक्त भएका छन्।
मन्त्रिपरिषद् बैठकले निमित्त अध्यक्ष घिमिरेलाई स्थायी जिम्मेवारी दिएको हो।
यसअघि भूपेन्द्र भण्डारीलाई अध्यक्षबाट पदमुक्त गरिएको थियो। त्यसपछि घिमिरेले निमित्त अध्यक्षको भूमिका निर्वाह गर्दै आएका थिए।
घिमिरे केहीबेरमा सूचना तथा सञ्चार मन्त्रालयमा शपथ लिनेछन्।
उनी प्राधिकरणमा लामो समयदेखि आर्थिक विश्लेषण र उपभोक्ता हित संरक्षण शाखामा क्रियाशील थिए।
