विज्ञान तथा नवप्रवर्तनमन्त्री महावीर पुनले प्रदेश र स्थानीय सरकारलाई आफ्नो पुँजीगत खर्चको एक प्रतिशत रकम विज्ञान तथा नवप्रवर्तनमा विनियोजन गर्न आग्रह गरेका छन् ।
मन्त्री पुनले सामाजिक सञ्जालमार्फत यस्तो आग्रह गर्दै विज्ञान तथा नवप्रवर्तनसम्बन्धी अनुदान पाउनका लागि बजेटमा यसलाई ध्यान दिनुपर्ने बताएका हुन् ।
उनले भने, ‘देशलाई समृद्ध बनाउन नगरी नहुने महत्त्वपूर्ण कदम हाम्रो मन्त्रालयले चाल्नेछ ।’
उनले देशको विकास तथा अनुसन्धान र नवप्रवर्तन कसरी गर्ने गराउने भन्ने संस्कार सङ्घीय, प्रदेश र स्थानीय सरकारसहित आम नेपाली जनतालाई सिकाउन निरन्तर लागिरहने प्रतिबद्धता व्यक्त गरे ।
